फिल्म ‘कौसिद’को गणेशस्थान मुहूर्त

Khabar24Nepal Author Logo..
खबर२४ नेपाल पढ्न लाग्ने समय : २ मिनेट

पौष १९, काठमाडौं । फिल्म ‘कौसिद’लाई शुक्रबार बिहान चावहिलस्थित गणेशस्थान मन्दिरमा मुहूर्त गरियो । निर्देशक कुमार भास्कर, निर्माता केदार भुषालसहित ऋचा शर्माले पूजाआजा गरि फिल्मको शुभारम्भ गरे । चलचित्रकर्मी केशव पाण्डेले मुहुर्त शटको क्ल्याप पर्काएसँगै मुहुर्त सिन खिचिएको ‘कौसिद’ आगामी माघ १ गतेदेखि छायांकन हुने छ भने फिल्मलाई सोसल ड्रामा जनरामा राखिएको छ ।

मुख्य भूमिकामा भोलाराज सापकोटा र ऋचा शर्मा रहनेछन् भने बाकि कलाकारहरूको लागी अडिसन लिएरै प्रतिभा अनुसार चयन गरिएका छन् । मध्यम वर्गीय व्यक्तिको सामान्य जीवनयापनका सहज तरिकाले चलाउन के कस्ता व्याधा व्यवधानको सामना गर्दै अघि बढिरहेको परिवारको लागि मुख्य पात्रले गर्नुपरेको नैतिक संघर्ष र सम्झौता फिल्मको केन्द्रिय द्वन्द रहेको कुरा बड पिक्चर्सका संस्थापक तथा फिल्म ‘कौसिद’का कार्यकारी निर्माता दिमेश श्रेष्ठले जनाए ।

औठा छाप सहितको फिल्मको टीजर पोस्टर पनि लन्च गरिएको छ । सार्वजनिक गरिएको टीजर पोस्टर अनुसार नव बिजयप्रकाश श्रेष्ठ तथा धिरजन थपलियाले फिल्मको पट्कथा लेखेका हुन् भने लक्षमण वानीया सह निर्माता रहेका छन् । फिल्मका अन्य कलाकारमा परिक्षीत विक्रम राणा, डा। निरञ्जन श्रेष्ठ, रूपेश दाहाल, निर्भिक भट्टराइ, सदिक्षा गौतम, संदिप लोहनी, बिजय सुब्बा, कमल मण्डल लगायतका छन् भने फिल्मको छायांकन निशल पौडेलले गर्नेछन् ।

प्रवेशराज पगेनिको अवधारणामा सुरू गरिएको यस फिल्म कौसिदलाइ संपादन मित्र डि। गुरूङले गर्नेछन भने कलर र भिएफएक्स सुदिप पाण्डेले गर्ने कुरा फिल्मका प्रोडक्सन म्यानेजर राजकुमार श्रेष्ठले जनाएका छन् । श्रेष्ठका अनुसार बिपिन स्थापितले साउण्ड सुपरभाइजिङ गर्ने छन् भने मनि रत्न त्रिपाठीले साउण्ड डिजाइन गर्ने छन् साथै गीरिश–रोशनको ब्याकग्राउण्ड म्यूजिक दिने छन् भने असिसटेन्ट सिनेम्याटोग्राफरका रूपमा उमेश अधिकारी, प्रविण लिम्बु, निशान्त बस्नेत, सुशान्त केसी रहनेछन् ।

संजोग रसाइली फिल्मको कास्टिङ डाइरेक्ट गरेका छन् भने प्रोडक्सन कन्ट्रोल आशिस पुडासैनी गर्दैछन् । चिफ एसिसटेन्ट डाइरेक्टर नारायणा उपाध्याय रहेको सो फिल्मको अन्य असिसटेन्ट डायरेक्टर किशोर केसी, डिम्पल राजथला रहेका छन् । ट्राइडेन्ट कन्सेप्टको पब्लिसिटी साथ रहेको फिल्मका पब्लिसिटी डिजाइनर रोयल भिमसेन तथा सोसल मिडिया टिममा विबेण सिजारी तथा बिबेक खकुरेल रहेका छन् । सुजन परियारले कस्ट्यूम डिजाइन गरिरहेको यस फिल्मको चर्चित फोटोग्राफर बसन्त गौतम रहेका छन्

कोभिडको कारणले झण्डै १० महिना सम्मको बन्द सरकारले फिल्म छायांकन फुकुवा गरेसँगै फिल्म का साथसाथै माघदेखि झन्डै ३ दर्जन भन्दा बढी फिल्म फ्लोरमा जाँदैछन् ।

प्रतिक्रिया दिनुहोस