दीपकराज गिरीले ‘गीतमा ब्याउने नभनेर बिहे हुने भन्न’ खोजिएको बताए

Khabar24Nepal Author Logo..
पढ्न लाग्ने समय : १ मिनेट

असोज १४,काठमाडौं । चलचित्र ‘छ माया छपक्कै’ को प्रचारात्मक गीत ‘बिच बिचमा’ विवादमा तानिएको छ । त्यसो त फिल्म चलाउन फण्डा गर्ने क्रममा हरेक वर्ष दीपक–दीपा विवादमा तानिने गर्छन् । एक हिसाबले दीपक–दीपाले यस्तै फण्डा गरेरै भए पनि विवादसँगै फिल्मको प्रचार गर्छन् ।

गीत विवादमा आएपछि दीपकराज गिरीले यो गीतमा ब्याउने नभनेर बिहे हुने भन्न खोजिएको बताएका थिए । यता दीपाश्री निरौलाले पनि सोही कुरा दोहोराएकी छिन् । उनले त अझ पत्रकारसँग कुरा गर्ने क्रममा यसले आफूहरुलाई नै फाइदा गरेको बताएकी छिन् ।

‘वास्तवमा यो बिहे हुने कुरा हो, स्ल्याङ अर्थमा ब्याउने भन्न खोजिएको हो,’ दीपाको भनाइ छ, ‘यसलाई फण्डाका रुपमा लिनुपर्छ, भिडियो हेर्दा पनि झगडा परेजस्तो छ, प्रमोसनसँगै छोटो समयमा होस् भनेरै यस्तो गीत बनाएका हौँ ।,’

दीपाश्रीले प्रमोसनल भिडियो बनाउने क्रममा यस्तो भिडियो बनाइएको बताएकी छिन् । आफैलाई ब्याउने बनाएर दीपाश्री निरौलाले कस्तो प्रचार गरेकी हुन् भन्दै दर्शकले भने मजाक बनाएका हुन् ।

प्रतिक्रिया दिनुहोस