विश्वमा २ करोड १५ लाख २२ हजार बढी कोरोना मुक्त

Khabar24Nepal Author Logo..
खबर२४ नेपाल पढ्न लाग्ने समय : २ मिनेट

भदौ ३१ , काठमाडौँ। विश्वमा कोरोना भाइरस संक्रमितको संख्या २ करोड ९७ लाख १४ हजार नाघिसकेको छ । जसमध्ये २ करोेड १५ लाख २२ हजार बढी मानिस उपचारपछि निको भइसकेका छन् । हाल विश्वभर सक्रिय संक्रमितको संख्या ७२ लाख ५३ हजार ५ सय बढी छ । त्यसमा ९९ प्रतिशतत अर्थात ७१ लाख ९२ हजार ६ सय बढी सामान्य अवस्थाका बिरामी छन भने एक प्रतिशत अर्थात ६० हजार ८ सय बढी गम्भीर बिरामी छन् ।

कोरोना भाइरस संक्रमणबाट विश्वमा सबैभन्दा बढी प्रभावित मुलुक संयुक्त राज्य अमेरिकामा हालसम्म २ लाख बढीको ज्यान गइसकेको छ । त्यहाँ पछिल्लो २४ घण्टामा ११ सय ७१ जनाले ज्यान गुमाएका छन् भने ३५ हजार ९ सय बढी संक्रमित थपिएका छन् । त्यहाँ कुल संक्रमितको संख्या ६७ लाख ८७ हजार नाघेको छ ।

त्यस्तै दोस्रो बढी प्रभावित मुलुक भारतमा हालसम्म ५० लाख बढीमा संक्रमण भइसकेको छ । त्यहाँ पछिल्लो २४ घण्टामा मात्रै ९१ हजार बढीमा संक्रमण पोजेटिभ देखिएको छ भने १२ सय ८३ जनाको ज्यान गएका छ । भारतमा कोरोना भाइरस संक्रमणबाट ज्यान गुमाउनेको कुल संख्या ८२ हजार नाघिसकेको छ । त्यस्तै तेस्रो प्रभावित मुलुक ब्राजिलमा संक्रमित संख्या ४३ लाख ८४ हजार नाघिसकेको छ भने मुत्यु हुनेको संख्या १ लाख ३३ हजार नाघिसकेको छ ।

त्यस्तै नेपालमा संक्रमितको संख्या ५७ हजार ७ सय ८८ जना पुगेको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार आजसम्म घर फर्किनेको संख्या ४० हजार ६ सय ३८ जना रहेको छ भने मृत्यु हुनेको संख्या ३ सय ७१ जना पुगेको छ ।

प्रतिक्रिया दिनुहोस